Archive for the ‘KİTABLAR VƏ RESURSLAR’ Category

«Nurlu an» — əlilliyi olan uşaqlar və yaşlılar üçün tifloşarhlə sosial multfilm hazırlanıb

«Nurlu an» — əlilliyi olan uşaqlar,  yaşlılar və digər uşaqlara maraqlı və faydalı olacaq tifloşarhlə sosial multfilm hazırlanıb. “Nurlu an” multiplikasiya filminin senari müəllifi və layihənin ictimaiyyətlə əlaqələr üzrə məsləhətçisi Elçin Sərdarov, multiplikatoru və animatoru – Sultan Abbasbəyli, tifloşərhin müəllifi – Zərifə Agahüseyn qızı, səsnəldirənlər – Əliəsgər Talıbov, Turan Dadaşev, mətnin oxucusu – Samirə Sultan.

«Nurlu an» sosial multfilmin senari müəllifi Elçin Sərdarovun GreenPen.az-a verdiyi məlumata görə multfilmdə əlilliyi olan insanların cəmiyyətdə bərabər hüquqlara malik olduğundan, onlara vətəndaşlar tərəfindən qayğısından və əlilliyi olanlarla bağlı beynəlxalq konvensiyalar, brayl əlifbası, taktil lenti haqqında məlumat verilir. «Ümid edirik ki, bu cür sosial çarxlar məktəbliləri inklüziv təhsil alan həmyaşlılarına daha diqqətli olmaları və cəmiyyətimizin inkişafı üçün əlilliyi olan insanların hüquqlarının təmin olunmasında, cəmiyyətimizdə  humanizm və mərhəmətlik dəyərlərinin aşılanmasına töhfə verəcək» — o dedi. Sosial multiplikasiya çarxın müəllifi bu ideyanın həyata keçirilməsində göstərdiyi dəstəyə görə  «Vətəndaşların Sosial Rifahı Naminə» İctimai Birliyinə və Azərbaycan Respublikası Əmək və Əhalinin Sosial Müdafiəsi Nazirliyinə təşəkkürünü bildirdi.

GreenPen.az

 

 

 

MILLI AZLIQLARIN DİLLƏRİ ÜZRƏ DƏRSLİKLƏRİN QİYMƏTLƏNDİRİLMƏSİ SAHƏSİNDƏ EKSPERT XİDMƏTLƏRİ

ELAN

Xidmətlər haqqında qısa məlumat: Dərsliklərin qiymətləndirilməsi “Dərslikləri qiymətləndirmə meyarları”na əsasən Azərbaycan Respublikası Təhsil Nazirliyinin yanında fəaliyyət göstərən Dərslikləri Qiymətləndirmə Şurası (bundan sonra Şura) tərəfindən həyata keçirilir. Şura müstəqil qurumdur və əsas funksiyası ümumtəhsil məktəblərində istifadə ediləcək dərslik komplektləri (DK) üzrə ekspert qrupları formalaşdırmaqla onların qiymətləndirilməsi prosesini təşkil etməkdən ibarətdir. Seçilmiş ekspertlər dərslik komplektlərinin dövlət standartlarına və təhsil proqramına (kurikuluma) uyğunluğunu, onların məzmununun elmi etibarlılığını və sosial həssaslığını, pedaqoji yanaşmalarını, texniki tərtibatını və dizaynını, dil və yazı üslubunu qiymətləndirəcəklər.

 Tələb olunan xidmətlər: Ümumi təhsilin bütün təhsil səviyyələrində aşağıda göstərilmiş milli azlıqların dilləri üzrə dərsliklərin qiymətləndirilməsi sahəsində ekspert xidmətləri:

•         Saxur dili

•         Avar dili

•         Ləzgi dili

•         Talış dili

 

•         Kürd dili

•         Xınalıq dili

•         Tat dili

•         Udi dili

 

Xidmətin icra olunduğu yer: Azərbaycan Respublikası Təhsil Nazirliyi

 Xidmətin icra müddəti: 31.12.2017-ci ilədək.

 Namizədlərə verilən tələblər:

  1. Təhsili: Namizəd müraciət etdiyi xidmətlərin istiqamətinə uyğun ali təhsilə malik olmalıdır.
  2. Təcrübəsi: Namizəd müraciət etdiyi xidmətlərin istiqamətinə uyğun ən azı 5 illik elmi-pedaqoji təcrübəyə malik olmalıdır.
  3. İKT-dən istifadə bacarıqları: Namizəd Microsoft Word proqramından istifadə etməyi bacarmalıdır.

 Müraciət forması: Müraciət edən şəxslər müraciət etdikləri xidmət istiqamətini göstərmək şərti ilə bildirişə əlavə olunmuş formatda öz avtobioqrafiyasını (CV) 30.10.2016-cı il tarixədək derslik@edu.gov.az elektron poçtuna göndərə bilərlər.

 Müraciətə baxılması: Daxil olan CV-lər əsasında tələblərə ən yüksək səviyyədə cavab verən namizədlər seçilərək onlardan müraciət etdiyi istiqamət üzrə ən azı bir dərsliyi qiymətləndirmək xahiş ediləcəkdir. Təqdim edilən qiymətləndirmə əsasında ən uğurlu namizədlər müəyyənləşdiriləcək və onlar müsahibəyə dəvət ediləcək.

 Əlavə məlumatları iş günləri saat 09.00-dan 18.00-dək bu ünvandan əldə etmək olar:

AZ1008, Bakı şəhəri, Xətai prospekti, 49.

Azərbaycan Respublikasının Təhsil Nazirliyi

Əlaqələndirici şəxs: Zülfiyyə Hüseynova

Əlaqə telefonları: (+ 994 012) 599-11-55 (əlavə 5264)

E-poçt: derslik@edu.gov.az

Read more »

“Qaranquş hekayəsi”

 

Gülqız Süleymanova

 

Balaca Leyla hər yayı kənddə, nənəsi gildə istirahət edirdi. Bütün ili o, səbirsizliklə yayı gözləyirdi, çünki kəndi çox sevirdi…

Nənənin gözəl bağı – bağçası, bağında çoxlu ağacları – gülləri var idi. Ağacların şip-şirin meyvələri var idi… Qızıl gülün, yasəmənin ətri hər yeri bürüyürdü… Buranı heç sevməmək olardı mı?

Bu ilin sentyabr ayında Leyla birinci sinifə getməyə hazırlaşırdı. Amma hələ yay idi və balaca qız qayğısız günlərdən zövq alırdı…

Günlərin bir günündə balaca qızcığaz həyacanla evə tərəf qaçırdı…  O hönkürtü ilə ağlayırdı. Ovcunda nəyi isə tutub, qayğı ilə bağrına basırdı. Evə yaxınlaşarkən, uşaq nənəsini səslədi:

 

  • Nənə can, nənə can! – ucadan nənəsini çağırdı.
  • Can nənə! Nə olub, ay bala? – deyə, nənə cəld mətbəxdən çıxdı.

Read more »

Sərçə yuvası (sinifdənxaric oxu üçün hekayə)

 

Nərminə Gündüzlü

 

Biri vardı, biri yox idi, balaca bir sərçə var idi. Qara, yumru gözlü bu sərçə gözəl yaz günlərində çox şən yaşayırdı. O, təzə yarpaq açmış ağacların bir budağından digərinə qonur, cikkildəyir, hərdənbir yerə enir,  balaca dimdiyi ilə torpağı eşir  və tapdığı yemi yeyirdi. İlıq yaz günəşinin şüalarından qızmış torpaq sərçəyə və onun dostlarına ləzzət verirmiş kimi torpağın üstündə qanadla­rını çırpır, sanki torpağın istisini yaxından hiss etmək istəyirdilər. Sərçələrin şən və cingiltili cikkiltiləri  gözəl bir nəğməyə bənzəyirdi.

Bu şən sərçə uzun müddət idi ki, həyətdəki ağacların birində  çör-çöpdən özünə yuva düzəldirdi. O, gələcək balalarını düşünüb yuvanı böyük bir sevgi ilə hörmüşdü.

Vaxt keçdi, yumurtadan təzə çıxmış balaları görən ana  çox sevindi.Balalar mehriban ananın qayğısı sayəsində böyüyüb  körpə qanadları ilə ana sərçənin yanında uçmağı  da öyrəndilər.

Read more »

Tanınmış yazıçı, şair və jurnalist Sədaqət Kərimovanın yeni kitablarının təqdimatı keçirilib

Azərbaycan oxucularına milli əxlaq və mənəviyyat mövzularında şer və bədii əsərlərlə tanış olan görkəmli yazıçı, şair və jurnalist Sədaqət Kərimova fevralın 22-də Beynəlxalq Mətbuat Mərkəzində öz yeni kitablarının “Ağ qəm” və “Квахьай йикъарган” (“İtən gündəlik”) təqdimatını keçirilib.

Read more »