Archive for the ‘ELANLAR’ Category

Azərbaycan Respublikasının Mədəniyyət və Turizm Nazirliyi müsabiqə elan edir

Azərbaycan Respublikasının Mədəniyyət və Turizm Nazirliyi Azərbaycanın görkəmli elm, mədəniyyət və incəsənət xadimləri Nəsrəddin Tusi, Bəxtiyar Vahabzadə və Mstislav Rostropoviçin xatirəsinin əbədiləşdirilməsi məqsədi ilə Bakı şəhərinin park və bağlarında adları qeyd olunan şəxsiyyətlərin büstlərinin və ya heykəllərinin eskiz-layihələrinin hazırlanması üçün heykəltəraşlar arasında açıq müsabiqə elan edir.

Read more »

Elan: Dərslikləri Qiymətləndirmə Şurasının yeni tərkibinin seçimi

Dərslikləri Qiymətləndirmə Şurası haqqında qısa məlumat: Dərslikləri Qiymətləndirmə Şurası (bundan sonra Şura) “Dərslikləri qiymətləndirmə meyarları”na əsasən yeni hazırlanan və əsaslı şəkildə yeniləşdirilmiş təkrar nəşr olunan dərslik komplektlərinin ekspertizasını və qiymətləndirilməsini həyata keçirən qurum olaraq Azərbaycan Respublikası Təhsil Nazirliyinin yanında fəaliyyət göstərir.

Read more »

Dövlət Bayrağımız Günü ilə bağlı “Bayraq yürüşü” keçiriləcək

«Bayraq mənliyimdir, bayraq kimliyim,
Bayraq-öz yurduma öz hakimliyim».
Bəxtiyar Vahabzadə

Noyabrın 5-də Təhsil Nazirliyinin təşkilatçılığı ilə “Bayraq yürüşü” keçiriləcək. 9 noyabr-Azərbaycan Respublikasının Dövlət Bayrağı Günü ilə əlaqədar keçirilən yürüşdə Təhsil Nazirliyinin, nazirliyin tabeliyindəki qurumların əməkdaşları, millət vəkilləri, ali təhsil müəssisələrinin rektorları, tanınmış ziyalılar, QHT nümayəndələri, müəllim, tələbə və şagirdlər iştirak edəcəklər.

Yürüşün keçirilməsində əsas məqsəd milli atributlarımızın təbliği, gənclər arasında vətənpərvərlik hisslərinin və milli-mənəvi dəyərlərin aşılanmasıdır.

***
Bəxtiyar Vahabazdə — Bayraq

Torpağım üstünə kölgələr salan
Mənim varlığımın cilası-bayraq.
Zəfərdən doğulmuş
Göytürkdən qalan
Qurdbaşlı bayrağın balası bayraq.

Üçrəngli bayrağın kölgəsində mən
Qaraca torpağı vətən görmüşəm.
Zəfər güllərini dövri-qədimdən
Bayraq işığında bitən görmüşəm.
Bayraq mənliyimdir, bayraq kimliyim,
Bayraq-öz yurduma öz hakimliyim.

Harda əcdadımın ayaq izi var,
Bu zəfər bayrağım orda dikəlsin.
Keçdiyi yerlərdə dağlar, yamaclar
Onun hüzuruna salama gəlsin.
Tarixdən qədimdir, zamandan qoca
Mənim bayrağıma sancılan hilal.
Aləmə nur saçdı tarix boyunca
Məbədlər başına tac olan hilal.

Daim ucalasan! Savaş günündə
Əsgər silahıyla səni tən görüm.
Yalnız zəfər çalmış şəhid önündə
Səni alqış üçün əyilən görüm.

ADMİU-da «Tolerantlıq multikulturalizmin təməlidir” mövzusunda elmi seminar keçiriləcək

Bu ilin 10 noyabr ayında Azərbaycan Dövlət Mədəniyyət və İncəsənət Universitetində Beynəlxalq Tolerantlıq Gününə həsr olunmuş “Tolerantlıq multikulturalizmin təməlidir” mövzusunda elmi seminar keçiriləcək. Bu haqda Maarifçi QHT-lər qrupuna ADMİU-da məlumat veriblər. Tədbirdə ADMİU-nun rektoru Fərəh Əliyevanın açılış çıxışından sonra, fəlsəfə elmləri doktoru, professor Əlikram Tağıyevin «Milli kimlik və multikultural proseslər», kulturologiya üzrə fəlsəfə doktoru, dosent Xaləddin Sofiyevin «Tolerantlıq demokratik cəmiyyətin atributu kimi», kulturologiya üzrə elmlər doktoru, dosent Mübariz Süleymanlının “Multikulturalizmin Azərbaycan modeli” mövzularında məruzələr dinləniləcək, “Azərbaycan humanizimin və tolerantlığın beşiyidir” adlı musiqili çarxı nümayiş olunacaq. Seminarda ekspertlərin və qonaqların iştirakı məsələləri ilə ADMİU məşğuldur. Tədbirə uğurlar arzu edirik!

E-cəmiyyət üzrə XV beynəlxalq konfrans keçiriləcək

Gənc doktorantlara, tədqiqatçılara, Maarifçi QHT-lərin fəallarına maraqlı ola biləcək məlumat!
28.10.2016 12:29

10-12 aprel 2017-ci il tarixlərdə Macarıstanın paytaxtı Budapeşt şəhərində e-cəmiyyət üzrə XV beynəlxalq konfrans keçiriləcək. Tədbir informasiya cəmiyyətində narahatlıq doğuran əsas problemlərin həllinə dəstək məqsədi daşıyır.http://ict.az/az/announce/189

MILLI AZLIQLARIN DİLLƏRİ ÜZRƏ DƏRSLİKLƏRİN QİYMƏTLƏNDİRİLMƏSİ SAHƏSİNDƏ EKSPERT XİDMƏTLƏRİ

ELAN

Xidmətlər haqqında qısa məlumat: Dərsliklərin qiymətləndirilməsi “Dərslikləri qiymətləndirmə meyarları”na əsasən Azərbaycan Respublikası Təhsil Nazirliyinin yanında fəaliyyət göstərən Dərslikləri Qiymətləndirmə Şurası (bundan sonra Şura) tərəfindən həyata keçirilir. Şura müstəqil qurumdur və əsas funksiyası ümumtəhsil məktəblərində istifadə ediləcək dərslik komplektləri (DK) üzrə ekspert qrupları formalaşdırmaqla onların qiymətləndirilməsi prosesini təşkil etməkdən ibarətdir. Seçilmiş ekspertlər dərslik komplektlərinin dövlət standartlarına və təhsil proqramına (kurikuluma) uyğunluğunu, onların məzmununun elmi etibarlılığını və sosial həssaslığını, pedaqoji yanaşmalarını, texniki tərtibatını və dizaynını, dil və yazı üslubunu qiymətləndirəcəklər.

 Tələb olunan xidmətlər: Ümumi təhsilin bütün təhsil səviyyələrində aşağıda göstərilmiş milli azlıqların dilləri üzrə dərsliklərin qiymətləndirilməsi sahəsində ekspert xidmətləri:

•         Saxur dili

•         Avar dili

•         Ləzgi dili

•         Talış dili

 

•         Kürd dili

•         Xınalıq dili

•         Tat dili

•         Udi dili

 

Xidmətin icra olunduğu yer: Azərbaycan Respublikası Təhsil Nazirliyi

 Xidmətin icra müddəti: 31.12.2017-ci ilədək.

 Namizədlərə verilən tələblər:

  1. Təhsili: Namizəd müraciət etdiyi xidmətlərin istiqamətinə uyğun ali təhsilə malik olmalıdır.
  2. Təcrübəsi: Namizəd müraciət etdiyi xidmətlərin istiqamətinə uyğun ən azı 5 illik elmi-pedaqoji təcrübəyə malik olmalıdır.
  3. İKT-dən istifadə bacarıqları: Namizəd Microsoft Word proqramından istifadə etməyi bacarmalıdır.

 Müraciət forması: Müraciət edən şəxslər müraciət etdikləri xidmət istiqamətini göstərmək şərti ilə bildirişə əlavə olunmuş formatda öz avtobioqrafiyasını (CV) 30.10.2016-cı il tarixədək derslik@edu.gov.az elektron poçtuna göndərə bilərlər.

 Müraciətə baxılması: Daxil olan CV-lər əsasında tələblərə ən yüksək səviyyədə cavab verən namizədlər seçilərək onlardan müraciət etdiyi istiqamət üzrə ən azı bir dərsliyi qiymətləndirmək xahiş ediləcəkdir. Təqdim edilən qiymətləndirmə əsasında ən uğurlu namizədlər müəyyənləşdiriləcək və onlar müsahibəyə dəvət ediləcək.

 Əlavə məlumatları iş günləri saat 09.00-dan 18.00-dək bu ünvandan əldə etmək olar:

AZ1008, Bakı şəhəri, Xətai prospekti, 49.

Azərbaycan Respublikasının Təhsil Nazirliyi

Əlaqələndirici şəxs: Zülfiyyə Hüseynova

Əlaqə telefonları: (+ 994 012) 599-11-55 (əlavə 5264)

E-poçt: derslik@edu.gov.az

Read more »

“Dekorativ Tədbiqi Sənət Festivalı 2016” layihəsinə start verildi

Oktyabr ayının 12-də, “Art Villa” qalereyasında, ənənəvi Dekorativ-Tətbiqi Sənət Festivalı 2016 keçiriləcək. Festival Azərbaycan Respublkasının Prezidenti yanında Gənclər Fondunun maliyyə dəstəyi və Arts Councıl Azerbaycan təşkilatı tərəfindən təşkil olunub.

Gənclər Fondundan GreenPen.az-a verilən məlumata görə festivalda batika, qobelen, keramika, şəbəkə, zərgərlik, xalça növlərinə aid əsərlər numüyiş olunacaq. Festivalın məqsədi dekorativ-tədbiqi sənət növlərini təbliğ etmək, gənc nəsil arasında maraq yaradaraq və bu milli sənət növlərinin inkişafına kömək etmək, yeni potensiala malik olan yaradıcı insanları kəşf etmək və gəncləri bu cür tədbirlərə cəlb etməkdir. Keçiriləcək Festival milli adət ənənələri qorumaq, gənclərin əl işlərini numayiş etmək üçün böyük imkan yaradır. Festival ölkənin dekorativ-tədbiqi sənət aləmində ənənəvi və məşhur bayram xarakteri daşıyır.

Festival 12-16 oktyabr 2016-cı il tarixlərində davam edəcək.
Festivalın rəsmi açılışı 12 oktyabr saat 19:00 olacaq.
Giriş pulsuzdur.

Festivalda iştirak etmək istəyənlərin nəzərinə:

Festivalda iştirak etmək üçün əsərinizin fotosunu aşağıda göstərilən ünvana göndərməyiniz xahiş olunur sergi@artscouncil.az
Hər iştirakçı 5 əsərinin fotosunu göndərə bilər. Foto(lar) boyük ölçüdə olmamalıdır. Göndərdiyiniz məktubda öz adınızı, soyadınızı və mobil telefon nömrənizi qeyd edin.
Əsərlər 1 oktyabr tarixinə gədər qəbul olunur.

Elnur

GreenPen.az

“Əsgərə məktublar” mövzusunda yazı müsabiqəsi. Yekun tarix — 18.01.2016

Səfərbərlik və Hərbi Xidmətə Çağırış üzrə Dövlət Xidmətinin vətənpərvərlik ruhunun yüksəldilməsi məqsədilə kütləvi informasiya vasitələri nümayəndələri arasında  “Əsgərə məktublar” mövzusunda yazı müsabiqəsi elan edib.

Müsabiqəyə ötən il dekabrın 7-dən 2016-cı il yanvarın 18-dək qəzet, jurnal və informasiya agentliklərində, həmçinin xəbər saytlarında dərc olunan yazılar buraxılacaq. Hər iştirakçı müsabiqəyə bir yazı təqdim edə bilər. Yazılar 3 min işarədən çox olmamalı və məktub janrında yazılmalıdır. Bütün yazılar vətənpərvərlik ruhunda qələmə alınmalıdır.

Read more »

İnsan alveri ilə mübarizə sahəsində fəaliyyətlərlə bağlı Layihə təklifləri üçün elan.05 oktyabr 2015-ci il saat 16:00.

Layihə təklifləri üçün elan 

İnsan alveri ilə mübarizə sahəsində fəaliyyətlərlə bağlı Bakı və Azərbaycanın digər şəhər və bölgələrində qeydiyyatdan keçmiş KİV konsorsiumları üçün

BMqT Tərəfindən Maliyyələşmə İmkanı

Beynəlxalq Miqrasiya Təşkilatının (BMqT) Azərbaycandakı Nümayəndəliyi
Elanın verilmə tarixi: 
15 sentyabr 2015-ci il
Layihə təkliflərinin göndərilməsi üçün son tarix: 
05 oktyabr 2015-ci il saat 16:00. 
Layihə təklifləri elektron ünvana, faks və ya poçt vasitəsilə göndərilə bilər
.

Son tarixdən sonra qəbul edilmiş layihə təklifləri nəzərə alınmayacaq. 

Read more »

48-ci Beynəlxalq Mendeleyev Olimpiadası

Azərbaycan Respublikası Təhsil Nazirliyi və M.V.Lomonosov adına Moskva Dövlət Universitetinin Bakı filialı 11-18 may 2014-cü il tarixlərində Moskva şəhərində keçiriləcək kimya fənni üzrə 48-ci Beynəlxalq Mendeleyev Olimpiadasında iştirak edəcək komandanın müəyyənləşdirilməsi məqsədilə orta ümumtəhsil məktəblərinin IX, X və XI sinif şagirdlərinin seçim mərhələsini elan edir.

Read more »