Archive for the ‘TƏHSİLDƏ YENİLİK’ Category

Maarifçi QHT-lər və gənclər təşkilatları UNEC-in Karyera Mərkəzində “Beynəlxalq Könüllülər Günü”nü qeyd etdilər

Təhsil Nazirliyinin informasiya şöbəsinin təşəbbüsü ilə “Bir”- könüllü -tələbə proqramı, NAYORA  və UNEC-lə tərəfdaşlıqda Maarifçi QHT-lər və gənclər təşkilatları universitetin Karyera Mərkəzində “Beynəlxalq Könüllülər Günü”nü qeyd etdilər  

Elçin Sərdarov

İctimaiyyətlə əlaqələr sahəsində institusional inkişaf

üzrə koordinator, Azərbaycan Jurnalistlər Birliyinin üzvi

     Bu gün Təhsil Nazirliyinin informasiya şöbəsinin təşəbbüsü ilə “Bir”- könüllü -tələbə proqramı, NAYORA və UNEC-lə tərəfdaşlıqda Maarifçi QHT-lər və gənclər təşkilatları universitetin Karyera Mərkəzində iqdisadi və sosial inkişaf uğrunda “Beynəlxalq Könüllülər Günü”nü qeyd etdilər. Tədbirin informasiya dəstəyi “AZƏRTAC” Dövlət İnformasiya Agentliyi,  “GreenPen.az” Təhsil Şəbəkəsi və Vesti.az tərəfindən  həyata keçirilir.

    Tədbirin açıq elan edən UNEC-in Karyera Mərkəzinin direktoru Fuad Əliyev Azərbaycan Dövlət İqtisad Universiteti (UNEC) və Karyera Mərkəzi haqqında məlumat verdi. Onun sözlərinə görə Azərbaycanda birinci İSO sertifikatı alan dövlət universiteti olan UNEC-in Karyera Mərkəzində tələbələrin məlumat bazaları hazırlanır, tələbələrin inkişafı üçün mexanizmlər işlənilir, gənclər üçün əmək yarmarkaları təşkil edilir, analitik qruplar yaradılır, biznes layihələri və məsləhət xidmətləri göstərilir.

        Təhsil Nazirliyinin informasiya şöbəsinin institusional  inkişaf  üzrə  koordinatoru Elçin Sərdarov Maarifçi QHT-lərlə nazirliyin “Açıq Hökümətin təşviqinə dair 2016-2018-ci illər üçün Milli Fəaliyyət Planı”na uyğun olaraq keçirilən Maarifçi birliklərlə görüşlər “Beynəlxalq könüllülər günü” könüllülük fəlsəfəsindən, könüllülərin dövlət, QHT-lər və özəl sektor tərəfindən dəstəklənməsinin vacibliyindən, BMT-nin “Könüllüləri  dəstəklə kampaniyası”, könüllülərin insan potensialının inkişafına dəstək online kampaniyası haqqında məlumat verərək gəncləri elm, təhsil, ekologiya, səhiyyə, məşğulluq, sülh və digər sahələrdə təşəbbüslər həyata keçirməyə, daha fəal olmağa və məlumatları öz yaşıdları ilə bölüşməyi tövsiyyə etdi.

      Daha sonra Təhsil Nazirliyinin “Bir” Tələbə — könüllü proqramının nümayəndəsi  Canoğlan İlyasov “Tələbə könüllü proqramı”  haqqında təqdimatla çıxış etdi.

Read more »

3 dekabr — Beynəlxalq Əlillər Gününə həsr edilmiş tədbir Sağlamlıq imkanları məhdud, valideyn himayəsindən məhrum olmuş uşaqlar üçün 4 saylı Respublika xüsusi internat məktəbində keçirildi

Elçin Sərdarov

İctimaiyyətlə əlaqələr sahəsində

institusional inkişaf üzrə koordinatoru,

Azərbaycan Jurnalistlər Birliyinin üzvi

 

Bu gün Sağlamlıq imkanları məhdud, valideyn himayəsindən məhrum olmuş uşaqlar üçün 4 saylı Respublika xüsusi internat məktəbində “Yaşıl qələm” Təhsil şəbəkəsinin informasiya dəstəyi ilə 3 dekabr –Beynəlxalq Əlillər Gününə həsr edilmiş tədbir keçirilib.

Tədbiri açan 4 saylı Respublika xüsusi internat məktəbinin direktoru Vəfa Seyidova müəllimləri və şagirdləri Beynəlxalq Əlillər gününün mahiyyəti haqqında məlumatlandıraraq, cəmiyyətimizdə sağlamlıq imkanları məhdud olan uşaqlara, gənclərə, yaşlılara diqqətin daha da artırılması, xalqımızda insanlara qarşı olan mərhəmət hissinin qorunub saxlanılmasının vacibliyini vurğuladı. Çıxışında uşaqların bərabər və ədalətli cəmiyyətdə yaşamaq hüquqları olduğunu söyləyən Vəfa Seyidova dövlətimizin və Heydər Əliyev Fondunun internata göstərdiyi qayğısını xüsusi olaraq qeyd etdi.

İnternat müəllimlərinin və şagirdlərinin qarşısında çıxış edən Təhsil Nazirliyinin informasiya şöbəsinin institusional inkişaf üzrə koordinatoru Elçin Sərdarov BMT-nin Baş Assambleyasının qətnaməsi ilə dünyada hər il qeyd edilən Beynəlxalq Əlillər Günü haqqında məlumat verərək əlillər üçün inklyuziv mühitin yaradılmasının və sosial bərabərliyin vacibliyini vurğuladı. O, sağlamlıq imkanları məhdud, valideyn himayəsindən məhrum olmuş uşaqlara ana və ata qayğısı göstərən İnternat müəllimlərinə və rəhbərliyinə bir vətəndaş olaraq səmimi təşəkkürünü bildirdi. E.Sərdarov məktəblilərə müraciət edərək onları həyatda fəal olmağa, öz istedadlarını nümayiş və inkişaf etdirməyə çağırdı. Bu işdə Sizə internatımızın peşəkar müəllimləri və dərnək rəhbərləri, Təhsil Nazirliyi, AZƏRTAC-ın Uşaq Bilik Portalı, “Yaşıl qələm” Təhsil Şəbəkəsi və digər saytlar kömək edə biləcəklər deyə bildirdi.

Tədbirdə çıxış edən Sağlamlıq imkanları məhdud uşaqlar üçün 4 saylı Respublika xüsusi internat məktəbinin Tədris işləri üzrə direktor müavini Yeganə Məmmədəliyeva Beynəlxalq Əlillər günündə dünyada əlilliyi olan şəxslərin sosial, mədəni, təhsil, səhiyyə və digər problemlərinin cəmiyyətin diqqət mərkəzində olduğunu, dünya əhalisinin 10 faizinin fiziki cəhətdən qüsurlu insanların təşkil etdiyini bildirdi. Onların 20 faizinin inkişaf etməkdə olan ölkələrdə yaşadıqlarını qeyd edərək ölkəmizdə bu insanlara  qarşı sosial rifahın yüksəldilməsi istiqamətində mühüm addımların atılması, onların sosial təminatının yaxşılaşdırılması istiqamətində görülən işlərdən söhbət etdi.

Read more »

Təhsil Nazirliyi “Azərbaycan Respublikasında ümumi təhsilin dövlət standartları” sənədinin layihəsini ictimai müzakirəyə təqdim edir.

Təhsil Nazirliyi “Azərbaycan Respublikasında ümumi təhsilin dövlət standartları” sənədinin layihəsini ictimai müzakirəyə təqdim edir.  umumi_tehsilin_dovlet_standartlari

Sənəd “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planının müvafiq bəndlərinin icrasını təmin etmək məqsədi ilə hazırlanıb.

İctimai müzakirədə iştirak etmək istəyənlər  Təhsil Nazirliyinin internet saytının “Sənədlər” bölməsində (http://edu.gov.az/upload/file/layihe-senedi/umumi_tehsilin_dovlet_standartlari.pdf) həmin sənədlə tanış ola bilərlər.

Rəy, təklif və iradları layihe@edu.gov.az elektron poçtuna göndərməklə bildirmək mümkündür.

Təhsil Nazirliyi “Azərbaycan Respublikasında ümumi təhsilin dövlət standartları” sənədinin təkmilləşdirilməsində geniş ictimaiyyəti fəal olmağa dəvət edir.

Təhsil Nazirliyi “Azərbaycan Respublikasında məktəbəqədər təhsilin dövlət standartları” sənədinin layihəsini ictimai müzakirəyə təqdim edir.

Sənəd “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planının icrasını təmin etmək məqsədi ilə hazırlanıb. İctimai müzakirədə iştirak etmək istəyənlər  Təhsil Nazirliyinin internet saytının “Sənədlər” bölməsində  http://edu.gov.az/upload/file/layihe-senedi/mektebeqeder_tehsilin_dovlet_standartlari.pdf həmin sənədlə tanış ola bilərlər. Rəy, təklif və iradları layihe@edu.gov.az elektron poçtuna göndərməklə bildirmək mümkündür. Təhsil Nazirliyi “Azərbaycan Respublikasında məktəbəqədər təhsilin dövlət standartları” sənədinin təkmilləşdirilməsində geniş ictimaiyyəti fəal olmağa dəvət edir.mektebeqeder_tehsilin_dovlet_standartlari

Peşə təhsili məsələləri “ELS” Müstəqil Araşdırmalar Mərkəzinin tədbirində müzakirə edildi

Noyabrın 25-də  “ELS” Müstəqil Araşdırmalar Mərkəzi “Ailə, qadın və uşaq problemlərinin həllində milli-mənəvi dəyərlərin rolunun gücləndirilməsi” layihəsi çərçivəsində BMM-də təqdimat keçirib. Təşkilatın icra etdiyi Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə, Azərbaycan Respublikasının Prezidenti yanında Bilik Fondu və İctimai Televiziya və Radio Yayımları Şirkətinin informasiya, texniki və təşkilati dəstəyilə həyata keçirilib. Tədbirdə layihə haqqında söhbət açan “ELS” Müstəqil Araşdırmalar Mərkəzinin sədri  İradə Yaqubova layihə çərçivəsində sentyabr ayında Azərbaycanın 21 ali təhsil müəssisəsinin 1050 tələbəsi arasında keçirilmiş sosioloji tədqiqat, İTV-də yayımlanan “Addım-addım”  və “Açıq dərs” verlişlərində ekspertlərin iştirakı ilə 6 mövzu ətrafında müzakirələrin aparıldığını qeyd etdi. İradə xanım məlumat verdi ki, 3 aylıq layihə dövründə cəmiyyət üçün aktual olan problemlər öyrənilib, ictimai görüşlər zamanı müxtəlif təkliflər verilib.

Read more »

“Gender əsaslı zorakılığa qarşı 16 günlük fəallıq” kampaniyasının açılışı mərasimi keçirilib

21 noyabr 2016-cı il tarixində “Marriott Abşeron” mehmanxanasında Azərbaycan Respublikasının Ailə, Qadın və Uşaq Problemləri üzrə Dövlət Komitəsi, BMT-nin Əhali Fondu, BMT-nin İnkişaf Proqramı və Amerika Beynəlxalq İnkişaf Agentliyinin (USAID) “Davamlı inkişafa doğru: Qadınlara qarşı zorakılığa yox deyək!” adlı birgə konfransı keçirilib. Bu haqda GreenPen.az saytına ADMİU-da məlumat veriblər. Konfransda Azərbaycan Dövlət Mədəniyyət və İncəsənət Universitetinin Tələbə Elmi cəmiyyətinin sədri, dosent Sədaqət Əliyeva iştirak edib.

Read more »

Gəncə şəhərində təhsil sektorunda “Açıq hökumət” konsepsiyasının tətbiqi və təşviqi” layihəsi çərçivəsində Azərbaycan Texnologiya Universitetində təlim keçirildi

Noyabrın on ikisində Azərbaycan Keyfiyyət Assosiasiyası Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi və Təhsil Nazirliyinin təşkilatı köməkliyi ilə Azərbaycan Texnologiya Universitetində “Təhsil sektorunda “Açıq hökumət” konsepsiyasının tətbiqi və təşviqi” layihəsi çərçivəsində təlim-seminarı keçirdi. İnteraktiv formada keçirilən təlimdə Universitet rəhbərliyi, müəllimləri və tələbələri iştirak etdilər.

Read more »

Azərbaycan Dövlət Mədəniyyət və İncəsənət Universitetində “Tolerantlıq multikulturalizmin təməlidir” mövzusunda elmi seminar keçirilib.

 

10 noyabr 2016-cı il tarixində Azərbaycan Dövlət Mədəniyyət və İncəsənət Universitetində (ADMIU) Beynəlxalq Tolerantlıq gününə həsr olunmuş “Tolerantlıq multikulturalizmin təməlidir” mövzusunda  elmi seminar keçirilib.

Read more »

Təhsil sektorunda “Açıq hökumət” konsepsiyasının tədbiqi və təşviqi” layihəsi çərçivəsində “Tərəqqi” Humanitar liseyində təlim keçirildi

Bu gün Azərbaycan Keyfiyyət Assosiasiyası Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi və Təhsil Nazirliyinin təşkilatı köməkliyi ilə “Tərəqqi“ Humanitar — texniki Liseyində “Təhsil sektorunda “Açıq hökümət” konsepsiyasının tədbiqi və təşviqi” layihəsi çərçivəsində təlim-seminarı keçirdi. İnteraktiv formada keçirilən təlimdə Lisey şagirdləri, valideynlər və müəllimlər iştirak etdilər.

Tədbirdə “Tərəqqi” Humanitar-texniki liseyinin direktoru Məhbubə Məmmədovanın açılış nitqindən sonra Azərbaycan Keyfiyyət Assosiasiya İctimai Birliyinin sədr müavini Hikmət Rəcəbov, Təhsil Nazirliyinin informasiya şöbəsinin ictimaiyyətlə əlaqələr sektorunun institusional inkişaf üzrə koordinatoru Elçin Sərdarov, təlimçi — məsləhətçilər Aynurə Rəşidova, Elgün Qəhrəmanov və Ramin Abdullayev təqdimatlarla çıxış edib, görüş iştirakçılarının suallarını cavablandırdılar. Təlimin məqsədi təhsilalanları, müəllimləri və valideynləri elektron təhsil resurslarla tanış etmək və onlardan istifadə etməyi öyrətməklə təhsil sektorunda “Açıq hökümət” konsepsiyasının tədbiqi və təşviqinə dəstək vermək idi.

Təlimin əvvəlində iştirakçıların “Açıq hökumət” konsepsiyası və təhsil sahəsində elektron resurslar haqqında məlumatlılığın səviyyəsinin öyrənilməsi üçün sorğu keçirildi. Hər bir təqdimatdan sonra təlim iştirakçıları qrup işlərində iştirak edib, təkliflər hazırladılar.

Təlim iştirakçıları e-resurslardan məlumat əldə edilməsində vacib olan addımları qeyd etdilər və bu işdə çətinliklərlə bağlı məlumatları bölüşdülər.

Read more »

Gənclər sosial məsələlərin həllində incəsənət vasitələrindən istifadə edirlər

“Konstitusiya” Araşdırmalar Fondunun “MitOst” Assosiasiyasının dəstəyi ilə həyata keçirdiyi “İncəsənət sosial inkişafda vasitə kimi”  layihəsi çərçivəsində qiymətləndirmə seminarı və layihənin bağlanış mərasimi keçirilib.

“İncəsənət sosial inkişafda vasitə kimi”  layihənin məqsədi sosial məsələlərin həllində incəsənət vasitələrindən istifadə edilməsinin təşviqidir. Bu haqda GreenPen.az-a layihə rəhbəri N.İsmayılova məlumat verdi. Qiymətləndirmə seminarında sosial inkişafa yönəlmiş layihələrin icrasında incəsənətin rolundan istifadənin vacibliyi, və sosial məsəslələrin işıqlandırılmasında əhəmiyyəti müzakirə olunub.

Seminarın sonunda iştirakçılar tərəfindən hazırlanmış yekun tədbir qonaqlara təqdim edilmişdir. Mədəniyyət və Turizm Nazirliyi və Təhsil Nazirliyinin, “Konstitusiya” Araşdırmalar Fondunun, Gözdən əlil uşaqlar üçün 38 saylı 11 illik Musiqi məktəbinin, Zəkalar liseyinin, Xəzər universitetinin, “DAAD” beynəlxalq əməkdaşlıq proqramının nümayəndələrinin də iştirak etdiyi tədbir zamanı təqdim olunan təşəbbüslər qonaqlara nümayiş olunub.

Layihə çərçivəsində dəstəklənən 6 təşəbbüs — ətraf mühitin mühafizəsi, gənclərin peşə/ixtisas seçimi, valideyn-övlad münasibəti, görmə məhdudiyyəti olan və uşaq evlərində yaşayan gənclərin cəmiyyətə inteqrasiyası, erkən nigahlar mövzularını əhatə edib. Təşəbbüslərin gerçəkləşməsində fərqli incəsənət vasitələrindən istifadə edilib.

Tədbir Layihədə iştirak etmiş gənclərin maraqlı təqdimatları, innovativ layihələri və istedadlı uşaqların musiqi nömrələri ilə yadda qaldı. Layihə iştirakçıları diplomlarla təltif olundular.

GreenPen.az