Archive for the ‘TƏHSİLDƏ YENİLİK’ Category

Gənclər sosial məsələlərin həllində incəsənət vasitələrindən istifadə edirlər

“Konstitusiya” Araşdırmalar Fondunun “MitOst” Assosiasiyasının dəstəyi ilə həyata keçirdiyi “İncəsənət sosial inkişafda vasitə kimi”  layihəsi çərçivəsində qiymətləndirmə seminarı və layihənin bağlanış mərasimi keçirilib.

“İncəsənət sosial inkişafda vasitə kimi”  layihənin məqsədi sosial məsələlərin həllində incəsənət vasitələrindən istifadə edilməsinin təşviqidir. Bu haqda GreenPen.az-a layihə rəhbəri N.İsmayılova məlumat verdi. Qiymətləndirmə seminarında sosial inkişafa yönəlmiş layihələrin icrasında incəsənətin rolundan istifadənin vacibliyi, və sosial məsəslələrin işıqlandırılmasında əhəmiyyəti müzakirə olunub.

Seminarın sonunda iştirakçılar tərəfindən hazırlanmış yekun tədbir qonaqlara təqdim edilmişdir. Mədəniyyət və Turizm Nazirliyi və Təhsil Nazirliyinin, “Konstitusiya” Araşdırmalar Fondunun, Gözdən əlil uşaqlar üçün 38 saylı 11 illik Musiqi məktəbinin, Zəkalar liseyinin, Xəzər universitetinin, “DAAD” beynəlxalq əməkdaşlıq proqramının nümayəndələrinin də iştirak etdiyi tədbir zamanı təqdim olunan təşəbbüslər qonaqlara nümayiş olunub.

Layihə çərçivəsində dəstəklənən 6 təşəbbüs — ətraf mühitin mühafizəsi, gənclərin peşə/ixtisas seçimi, valideyn-övlad münasibəti, görmə məhdudiyyəti olan və uşaq evlərində yaşayan gənclərin cəmiyyətə inteqrasiyası, erkən nigahlar mövzularını əhatə edib. Təşəbbüslərin gerçəkləşməsində fərqli incəsənət vasitələrindən istifadə edilib.

Tədbir Layihədə iştirak etmiş gənclərin maraqlı təqdimatları, innovativ layihələri və istedadlı uşaqların musiqi nömrələri ilə yadda qaldı. Layihə iştirakçıları diplomlarla təltif olundular.

GreenPen.az

Təhsildə yeniliklər haqqında keçirilmiş press brifinqdə

Bugün Təhsil Nazirliyində press brifinq keçirilib və jurnalistlər təhsildə olan yenilikləri ilə tanış edilib. Tədbirdə qeyd olunub ki, bu tədris ilində ilk peşə-ixtisas təhsili müəssisələrinə qəbul pilot olaraq “ASAN peşə” layihəsi üzrə Bakı və Gəncə şəhərlərində həyata keçirilib.

Təhsil Nazirliyi ilə «Asan xidmət » arasında reallaşdırılan layihə çərçivəsində 4286 nəfər ilk peşə-ixtisas təhsili müəssisələrinə qəbul olunub. Qəbul olunanlardan 733 nəfərinin əsas fənlər üzrə ümumi müvəffəqiyyət göstəricisi “4”-dən yuxarı olub. Yeni tədris ilindən ölkənin bütün rayon və şəhərlərinin ümumi təhsil məktəblərində 5 yaşlı uşaqların dövlət hesabına məktəbəhazırlıq təhsilinə başlanılıb. 2016-2017-ci tədris ili üçün respublika üzrə məktəbəhazırlıq qruplarına cəlb olunan uşaqların sayı 76 min nəfərdən artıqdır.

Press brifinqdə icbari ümumi orta təhsildən yayınma hallarının son illərdə əhəmiyyətli dərəcədə azalması və bununla  bağlı təhlil media nümayəndələrinin diqqətinə çatdırılıb. Daha sonra müəllimlərin işə qəbulu üzrə yekun statistika açıqlanıb. Bildirilib ki, mərkəzləşdirilmiş qaydada keçirilən müəllimlərin işə qəbulu üzrə müsabiqənin nəticəsinə əsasən ümumilikdə 2365 nəfər müəllim adını qazanıb. Onlardan 1800 nəfəri kənd məktəblərində həvəsləndirmə yerləri tətbiq olunan vakant yerləri seçib.

Tədbirdə,həmçinin transfer.edu.az portalına müraciət edən tələbələr barədə məlumat verilib. Cari ildə təhsilalanların ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi elektron qaydada həyata keçirilib. Bu, tələbə köçürülməsində şəffaflığın, rahatlığın və sadələşmiş prosedurun yaradılmasına xidmət edir. Ümumi müraciət edənlərin sayı  241 nəfər olub ki, onlardan 83 nəfərə müsbət cavab verilib. Cari ildə orta-ixtisas təhsili müəssisələri tələbələrinin də bu portal vasitəsilə köçürülməsi nəzərdə tutulub. Brifinqin yekununda media nümayəndələrini maraqlandıran  suallar cavablandırılıb.

GreenPen.az

Təhsil naziri Mikayıl Cabbarovun 5 oktyabr — Beynəlxalq Müəllimlər Günü ilə bağlı təbriki

Əziz müəllimlər, Sizi   5 oktyabr — Beynəlxalq  Müəllimlər Günü münasibətilə təbrik edirəm!

Ən böyük missiyası şəxsiyyət  yetişdirmək olan müəllim peşəsindən  cəmiyyətin  hər zaman üstün gözləntisi olub. Təhsilin keyfiyyəti müəllimin səviyyəsinə bağlıdır.

XXI əsrin tələbləri baxımından Azərbaycan Respublikası vətəndaşı peşəkar keyfiyyətlərə malik müəllim amilindən  bilavasitə asılıdır. Ona görə də müəllim hazırlığı və peşəkar inkişafı, işə qəbul prosesində qarşıya qoyduğumuz  əsas məqsəd şəffaflığın qorunmasını və keyfiyyəti təmin etməkdir.

Əziz müəllimlər! Azərbaycan Respublikasının Prezidenti İlham Əliyevin Bakının 311 nömrəli tam orta  məktəbində  çıxışı zamanı irəli sürdüyü  proqram əsaslı müddəalar — milli-mənəvi ruhda təhsil, vətəndaş tərbiyəsi və peşəkar olmağın önəmi ilə bağlı idi. Bu, təhsildə dəyərlər anlayışının ali səviyyədə bəyanı idi. Biz də bu ideyaya əsaslanaraq təhsildə dəyərlər anlayışını fəaliyyətimizin yol xəritəsinə çevirməliyik.

Təhsil inkişafın ön cəbhəsidir. Bir çox hallarda haqqında xəyali danışdığımız gələcək gözlədiyimizdən daha tez baş verir. Bu prosesə hazırlıq təhsildən başlayır və ailə ilə bərabər, müəllimlərin timsalında gerçəkləşir. Dövrün çağırışı budur ki, biz təhsilalanı gələcəyə hansı səviyyədə hazırlaya bilirik?

Müdrik kəlamda deyildiyi kimi, “Hər şey yoldan başlayır…”. Bu yolla hara gedirsən və məqsədin nədir? Müəllim bizə bu yolun başlanğıcını və məramını göstərən şəxsdir. Gələcəyin insanı bu məramla yetişir.

Əziz müəllimlər! Bir daha sizə fədakar əməyinizə görə təşəkkür edir, şərəfli işinizdə və gələcək fəaliyyətinizdə uğurlar arzulayıram!

Təhsil Nazirliyi və AMEA Mərkəzi Elmi Kitabxanası “Ümumdünya bloq gününü” Maarifçi QHT-lər və fəal bloqerlərlə birgə keçirdilər

 

Elçin Sərdarov

İnstitusional İnkişaf üzrə koordinator, Azэrbaycan Jurnalistlər Birliyinin üzvi

 

Təhsil Nazirliyinin təşəbbüsü ilə 31 avqust — beynəlxalq bloq günündə AMEA Mərkəzi Elmi Kitabxanası və “Yaşıl qələm” Müəllimlərin və Jurnalistlərin Təhsil Şəbəkəsi ilə tərəfdaşlıqda Maarifçi QHT-lərlə və fəal bloqçularla İnformasiya görüşü keçirilmişdir.

Görüşün məqsədi — “Beynəlxalq bloq” günündə Maarifçi birliklərin fəal bloqçularla tanışlığı, onlarla təhsil və elm məsələri ətrafında iş birliyinin qurulması idi.

Təhsil Nazirliyinin Maarifçi QHT-lərlə və bloqçularla keçirdiyi İnformasiya görüşündə vətəndaş birliklərini və fəal bloqçuları nazirliyin “Açıq Hökümətin təşviqinə dair 2016-2018-ci illər üçün Milli Fəaliyyət Planı”nın təsdiq edilməsi haqqında” Azərbaycan Respublikası Prezidentinin 27 aprel 2016-cı il tarixli 1993 nömrəli Sərancamının icrası haqqında və görüşün məqsədləri ilə tədbirin moderatoru, Təhsil Nazirliyinin İnstitusional inkişaf üzrə Koordinatoru Elçin Sərdarov tanış etdi. Tələbələrin köçürülməsinin elektron qaydada aparılması, yeni yaradılmış transfer.edu.az portalı ilə bağlı Təhsil Nazirliyinin sektor müdiri Sülhəddin Gözəlov təqdimat etdi. «Məktəblinin dostu” pilot layihəsi haqqında Təhsil Nazirliyinin layihə rəhbəri Rüstəm Ağayev məlumat verdi.

Tədbirdə AMEA Milli Elmlər Akademiyasının Mərkəzi Elmi Kitabxanasının keçirdiyi Vikipediya təlimləri haqqında bölmə əməkdaşı Günay Məmmədova məlumat verdi. İnformasiya görüşündə «Yaşlıların təhsili» Assosiasiyasının təhsil sahəsində təqdiqat və təlim layihələrindən, «Yaşıl qələm» Müəllimlərin və Jurnalistlərin Təhsil Şəbəkəsinin təhsil, media və məktəb layihələrindən, “Vətəndaş cəmiyyətində debat” İctimai Birliyinin gənclərin maarifləndirilməsi sahəsində innovativ layihələrindən bəhs edildi. Bloqçu fəaliyyətinin özəlliyi haqqında və müəllimlərin öz uğurları, təcrübələri və təhsil alanların uğurları ilə fərdi bloqlarda və şəbəkələrdə bölüşmələrinin vacibliyindən maarifçi-bloqçu Vyaçeslav Sapunov tərəfindən məlumat verildi.

Görüş iştirakçıların tələbələrin köçürülməsi məsələsinə aid və «Məktəblinin dostu» layihəsi ilə bağlı bir sıra təklifləri oldu. O cümlədən, tələbələrin köçürülməsində aztəminatlı kateqoriyalardan olan və fiziki məhdudiyyətləri olan gənclərin nəzərə alınması, «Məktəb dostu» layihəsini gələcəkdə qaçqın və köçkünlərin məskunlaşdığı rayonlarda və təhsil aldığı məktəblərdə tədbiq olunması, bu layihədə inklyuziv təhsil qrupları ilə işləyə biləcək mütəxəssislərin cəlb olunması, uşaq psixologiyası və digər psixoloji təlimləri müəllimlər üçün keçirilməsi, məktəb psixoloqlardan daha səmərəli istifadə edilməsi, işə qəbul ediləcək məktəblilərin dostlarının müəllimlərə dəstək verilməsi və onların gələcək taleyi və personal inkişafı ilə bağlı fikir mübadiləsi aparıldı.Təhsil üzrə ekspert, sosioloq Əhməd Məmmədov Qəşəm oğlunun pilot olaraq alternativ 3 məktəbə «sosial iş» qrupların yaradılmasını təklif etdi və bu sahədə sorğuların aparılmasının vacibliyini vurğuladı.

Read more »

Təhsil İşçilərin Peşəkar İnkişafı İnstitutu Yay məkəbi təşkil edir.

Təhsil İşçilərinin Peşəkar İnkişafı İnstitutu ibtidai sinif müəllimləri üçün 18-22 iyul tarixlərində Yay məktəbi təşkil edir.

Təlimlər aşağıdakı mövzularda keçiriləcək: İlk beş dəqiqə;  Məntiq; Komanda quruculuğu; Vaxtın idarə edilməsi; Qiymətləndirmə vasitələrin hazırlanması; Rəsmi və peşəkar qeyim tərzləri; Şagird tədqiqatların təşkili metodikası vəs.

Yay məktəbində iştirak ödənişsizdir. İştirakçı seçimində ilk müraciət edənlərə üstünlük veriləcək. Məşğələlər beş gün ərzində saat 10.00-13.00 radələrində aparılacaq. Fasilələrdə çay süfrəsi təklif olunur. İştirak etmək istəyənlər aşağıdakı elektron poçt vasitəsilə müraciət edə bilərlər: a.huseynli@tipii.edu.az

Əlaqə tel.: (012) 430 58 76

GreenPen.az

Maarifçi QHT-ləri Təhsil Nazirliyi ilə Açıq Hökümətin təşviqi sahəsində tərəfdaşlığa hazırdılar

Elçin Sərdarov

İnstitusional inkişaf üzrə Koordinator, Azərbaycan Jurnalistlər Birliyinin üzvi

İyulun 4-də Təhsil Nazirliyində Maarifçi QHT-lərlə Açıq Hökumət-in təşviqinə dair İnformasiya görüşü keçirildi. Təhsil Nazirliyinin QHT-lərlə İnformasiya görüşündə Maarifçi vətəndaş birlikləri nazirliyin Açıq Hökümətin təşviqinə dair 2016-2018-ci illər üçün Milli Fəaliyyət Planı”nın təsdiq edilməsi haqqında” Azərbaycan Respublikası Prezidentinin 27 aprel 2016-cı il tarixli Sərancamının icrası haqqında məlumatlandırıldılar.

Tədbirdə “Elektron hökumət” portalının imkanları və istifadəsi, Təhsil Nazirliyinin Qəbul Portalı (qebul. edu.az), Elektron dərslik portalı (E-derslik.edu.az), Təhsil Nazirliyinin həyata keçirdiyi elektron xidmətləri və Müəlllimlərin yerdəyişməsi və işə qəbulu (www.miq.edu.az) ilə bağlı elektron bazası və digər mövzularda təqdimatlar edildi, müzakirələr aparıldı.

İnformasiya görüşündə iştirak edən Maarifçi birlikləri Təhsil Nazirliyi tərəfindən yaradılmış elektron resursların ictimaiyyət üçün faydalı olduqlarını qeyd edərək, bu təhsil resursların daha da təkmilləşdirilməsi, müraciət edənlərlə sorğuların nəticələri ilə bağlı interaktiv mübadiləsinin təmin olunması üçün xüsusi bölmələrinin yaradılması, resurslarının məzmununun təhlili və cavablarının daha dəqiq və nəticəyönümlü olması, onları istifadə edən şagird, tələbə, müəllim və valideynlər arasında sosioloji sorğuların keçirilməsi ilə bağlı təkliflər verdilər.

«Maarifçi birliklərin informasiya görüşlərinin Bakıda və bölgələrdə keçirilməsinin vacibliyini vurğuladılar. «Təhsil Nazirliyində Maarifçi QHT-lərlə bu cür İnformasiya görüşünün keçirilməsini yaxşı qiymətləndirirəm. Prezident yanında Dövlət İdarəedicilik Akademiyası da bu sahədə faydalı işlər görür. Vətəndaş birlikləri demokratik cəmiyyətimizin vacib atributlarından biridir. Vətəndaşlara informasiya görüşləri vasitəsilə dövlət proqramları haqqında məlumatların çatdırılması, informasiya mübadiləsinin təşkil edilməsi bütövlükdə insan kapitalının inkişafına xidmət edir. Bu, həmçinin ölkə prezedentinin bu istiqamətdə vətəndaşların rifahı üçün gördüyü işlərə tam uyğundur. Bunların hamısı insanların mədəniyyətinin inkişafına, maarifləndirməsinə və yaradıcılıq potensiallarının istifadə edilməsinə  təkan verir» —  bu fikirləri tədbirdə «Simurq» Mədəniyyət Assosiasiyasının prezidenti, professor Fuad Məmmədov söylədi.

“ELS-Müstəqil Araşdırmalar Mərkəzi” ictimai birliyinin sədri İrada Yaqubovanın fikrincə, tədbir çox maraqlı idi, müzakirələr, təkliflər. «Ümidvaram ki, onlar nəzərə alınacaqlar. Belə görüşlər vacibdir. Bunu görüş iştirakçılarının hamısı dedilər və görüşlərin davamlı olmasını təklif etdilər» — İradə xanım Yaqubova dedi.

«Əlil Təşkilatları İttifaqı olaraq belə görüşlərin keçirilməsini vacib və əhəmiyyətli hesab edirik. Öz növbəmizdə bu xidmətlərdən əlilliyi olan istifadəsinin asanlaşdırılması üçün təkliflər təqdim etmişik. Hesab edirik ki, vətəndaş cəmiyyətinin iştirakçılığının, şəffaflığın artırılmasının təmin olunması üçün bu tədbirlər bəhrəsini verəcəkdir. Bu təşəbbüsə görə Təhsil Naziri Mikayıl Cabbarova, institusional inkişaf üzrə koordinatoruna, Nazirliyin aidiyyatı bölmələrinin əməkdaşlarına minnətdarlığımızı bildiririk» — bu haqda Azərbaycan Respublikası Əlil Təşkilatları İttifaqının (ƏTİ) prezidenti Davud Rəhimli görüş iştirakçılarla firkir mübadiləsi apararaq demişdi.

Çox maraqlı tədbir oldu: müzakirələr, təkliflər. Ümidvaram ki, nəzərə alınacaqlar. Belə görüşlər vacibdir. Bunu görüş iştirakçılarının hamısı dedilər və görüşlərin davamlı olmasını təklif etdilər.

Tədbirdə Təhsil Nazirliyinin informasiya şöbəsinin, ictimaiyyətlə əlaqələr sektorunun, təhsilin inkişaf proqramları sektorunun məsul əməkdaşları, “Simurq” Mədəniyyət Assosiasiyasının, Milli QHT Forumun, “Tərəqqi və elmə dəstək” ictimai birliyinin, Təhsil Şurasının, AKTAM, “Yaşlıların təhsili” Assosiasiyasının, Gənclər təşkilatları Milli Şurasının, Azərbaycan Gənc Alim, Aspirant və Magistrlər Cəmiyyəti (GAAMC), “XXİ əsr” Təhsil mərkəzinin, Azad müəllimlər birliyinin, “ELS-Müstəqil Araşdırmalar Mərkəzi” ictimai birliyinin, Əlil təşkilatları ittifaqının və digər təşkilatların nümayəndələri iştirak etmişdirlər.

Rusiyalı tələbələri BSU-nun yay məktəbində praktiki Azərbaycan dilini öyrənəcəklər

Elçin Sərdarov

Rusiya Dövlət Humanitar Universiteti (RDHU) və Bakı Slavyan Universiteti (BSU) arasında tədris və elm sahəsində qurulan əməkdaşlığı çərçivəsində RDHU-nun Beynəlxalq münasibətlər və xarici regionşünaslıq fakültəsinin bir qrup tələbəsi Bakı Slavyan Universitetinin  yay məktəbində staj keçmək üçün Bakıya gəlib. Yay məktəbin Azərbaycanda «Multikulturalizm ili» əfərəsində keçirilməsi təlim proqramının və tədbirlərin daha maraqlı təşkil olunmasına öz müsbət təsirini göstərdi.

İyunun 11-dən 25-ə qədər keçiləcək yay məktəbi üçün nəzərdə tutulmuş proqrama əsasən rusiyalı tələbələrə praktik Azərbaycan dili dərsləri ilə yanaşı BSU-nun aparıcı professor və dosentləri tərəfindən “Azərbaycan beynəlxalq terrorizmə qarşı mübarizədə”, “Müasir Azərbaycan ədəbiyyatı”, “Azərbaycan beynəlxalq münasibətlər sistemində”. “Azərbaycanda dini tolerantlıq”, “Azərbaycanın ictimai fikir tarixi”, “Azərbaycan multikulturalizmi”, “Azərbaycan mədəniyyəti” mövzularında mühazirələr oxunacaq.

Read more »

«Multikulturalizm ili» və Uşaqlar günü çərçivəsində “Uşaqların sağlamlığını və sülhü qoruyaq “ adlı tədbir Hemofiliya xəstələri Assosiasiyasının təşkilatçılığı ilə keçirildi

Elçin Sərdarov

Uşaqların Beynəlxalq müdafiəsi Günü (İnternational children`s Day) – 1 iyun 1950-ci ildə BMT Baş Assambleyası tərəfindən qeyd olunması qərara alınıb. 1 iyun tarixini uşaqların beynəlxalq müdafiəsinə həsr etmək qərarı «Qadınların Beynəlxalq Konfransı»nda verilmişdir. Bügün bu tarixi gün əksər dövlətlərdə Uşaqların Beynəlxalq Müdafiəsi Günü kimi qeyd edilir. BMT-nin fəaliyyətinin ən mühüm nəticələrindən biri təkcə uşaqlara xüsusi qayğı göstərilməsinin və onların müdafiəsinin zəruriliyinin deyil, həmçinin uşaqların hüquqların müstəqil subyektləri olmasının etiraf edilməsindən ibarətdir. Beynəlxalq hüququn bu əsas prinsipi uşaq hüquqları haqqında Konvensiyada əksini tapmışdır.

Azərbaycanda uşaqlarla bağlı proqramlar, sənədlər qəbul olunub, hüquqi normativ aktlar təkmilləşdirilib. Ölkədə uşaqların hüquqlarının müdafiəsi sahəsində dövlət təşkilatları və vətəndaş birlikləri tərəfindən müxtəlif tədbirlər həyata keçirilir.

Uşaqların Beynəlxalq müdafiəsi gününü və 2016-cı il Azərbaycanda “Multikulturalizm ili” münasibətilə yerli qeyri hökümət təşkilatı — Hemofiliya xəstələri Assosiasiyası uşaqlarla birgə keçirmişdir.  Azərbaycan himni ilə başlayan tədbirdə hemofiliya, leykemiya və leykemiyadan sağalmış uşaqlar Azərbaycan, Türkiyə, Almaniya, Rusiya, Yaponiya, Gürcüstan, Fransa, Hindistan, Ukrayna, Böyük Britaniya ölkələrinin milli paltarlarında müxtəlif dillərdə çıxışlar etdilər, həmrəylik və sülhə aid şerlərini, göyərçin şerini, göyərçin mahnısını ifa etdilər. Tədbir uşaqların özlərinin aparıcılığı və maraqlı çıxışlarla yadda qaldı. Gənc aparıcılar — Tofiq Quliyev, Elvin Qarayev, Aytən Alməmmədova, çıxışçılar — ən kiçik və orta yaşlı uşaqlar və məktəblilər — Əsmər Əlizadə,  Harun Musayev, Mələk Ələkbərova, Fidan Hüseynzadə, Murad Hüseynzadə, Natavan Əliyeva, Sübhan Kərimli, Ülvi Əliev, Xədicə Əkbərova, Şəms Əkbərova, Nihat Hüseynov, Qədir Hüseynov, Camal Axundov, Xədicə Qasımzadə, Mehriban Əliyeva, Nəslihan Əliyeva, Nəzrin Həmdiyeva, Əli Abdullayev, Həzi Əkbərov, Lalə Qasımzadə, Emin Ağamalızadə, Anar Qasımov, Əli Əliyev, Şəfiqə Mustafayeva, Fatimə Abbasova və Raul Məsimli Hemofiliya xəstələri Assosiasiyasının sədri Gülnarə Qurbanova tərəfindən diplomlarla qiymətləndirildilər.

“Uşaqlar bu bayrama çox həvəslə və ürəklə hazırlaşırdırlar. Bu tədbirlə hemofiliya xəstələri uşaqlarını və onların ailələrini sevindirib, uşaqların, bütün uşaqlar kimi  çox istedadlı olduqlarını bir daha göstərdik. Bu işdə bizə dəstək olan hər bir kəsə təşəkkür edirəm” – Gülnarə Hüseynova  dedi.

Təhsil nazirliyinin Layihəsi çərçivəsində «Tərəqqi» Humanitar -texniki liseyində multikulturalizm və tolerantlıqla bağlı təlim keçirildi

Elnarə Fərhadova

GreenPen.az

Təhsil Nazirliyinin “Multikulturalizm ili” çərçivəsində Bakının pilot məktəblərində həyata keçirdiyi “Biz hamımız insanıq və hamımız eyniyik” adlı layihəsi üzrə interaktiv təlimlər Bakı şəhəri «Tərəqqi» Humanitar-texniki liseyində keçirildi. Tədbirdə «Tərəqqi» Humanitar -texniki liseyinin direktoru Məhbubə Məmmədova, Liseyin direktor müavini Sədaqət Nağıyeva, Təhsil Nazirliyinin “Biz  hamımız insanıq və hamımız eyniyik” layihəsinin rəhbəri, ictimaiyyətlə əlaqələr sahəsində institusional inkişaf üzrə Koordinatoru Elçin Sərdarov,  “Böyük ipək yolu” beynəlxalq gənclər təşkilatının beynəlxalq şöbəsinin məsul əməkdaşı Nuriyyə Quliyeva təlimin konsepsiyası və vacibliyi haqqında məktəbliləri məlumatlandırıblar.

Təlimlərin əsas məqsədi Azərbaycanda tolerantlıq və multikulturalizmlə bağlı məktəblilərə məlumat vermək, etnik, dini, irqi, mədəni mənsubiyyətindən asılı olmayaraq bütün xalqların, etnik qrupların sülh şəraitində yaşamalarının vacibliyini göstərməkdir. Tədbirdə bildirilib ki, Prezident İlham Əliyevin müvafiq sərəncamı ilə 2016-cı il Azərbaycanda “Multikulturalizm ili” elan edilib. Read more »

“Multikulturalizm ili” çərçivəsində 23 nömrəli məktəbin şagirdləri ingilis dilində keçirilmiş təlimlərdə təqdimat bacarıqlarını nümayiş etdirdilər.

Elnarə Fərhadova

GreenPen.az

Təhsil Nazirliyinin “Multikulturalizm ili” çərçivəsində Bakının pilot məktəblərində həyata keçirdiyi «Biz hamımız insanıq və hamımız eyniyik» adlı layihəsi üzrə interaktiv təlimlər Bakı şəhəri 23 nömrəli məktəbdə keçirildi. Tədbirdə Təhsil Nazirliyinin, Yaşlıların Təhsili Assosiasiyasının, “Böyük İpək Yolu” Beynəlxalq Gənclər Birliyinin, “Yaşıl qələm” Müəllimlərin və Jurnalistlərin Təhsil Şəbəkəsinin, Azərbaycan Gənc Hüquqşünaslar Birliyinin nümayəndələri iştirak ediblər. 

Təlimlərin əsas məqsədi Azərbaycanda tolerantlıq və multikulturalizmlə bağlı məktəblilərə məlumat vermək, etnik, dini, irqi, mədəni mənsubiyyətindən asılı olmayaraq bütün xalqların, etnik qrupların sülh şəraitində yaşamalarının vacibliyini göstərməkdir. Tədbirdə bildirilib ki, Prezident İlham Əliyevin müvafiq sərəncamı ilə 2016-cı il Azərbaycanda “Multikulturalizm ili” elan edilib. Ölkəmizdə yaşayan dini azlıqların dilinin, dininin və mədəniyyətinin inkişafına dövlət tərəfindən xüsusi diqqət və qayğı göstərilir. Qeyd olunub ki, xalqımız əsrlər boyu tolerantlıq və dünyəvilik ənənələrini qoruyub saxlayıb, ölkəmizdəki tolerantlıq mühiti dünyaya nümunə olub.

Read more »