WWF  Azərbaycan nümayəndəliyi “Biolojimüxtəlifliyimizi qoruyaq!” adlı aksiya həyata keçirdi  

velo2

18 May 2014-cü il tarixində qarşıdan gələn 22 May Beynəlxalq Biomüxtəliflik Günü ilə əlaqədar olaraq Ümumdünya Təbiəti Mühafizə Fondunun (WWF) Azərbaycan nümayəndəliyi Təbiət Dostları GİB-lə birlikdə Bakı şəhərində “Biomüxtəlifliyimizi qoruyaq!” adlı maarifləndirici aksiya keçirmişdir. Bu haqda GreenPen.az-a WWF Azərbaycan-nın Tərəfdaşlıq və Ünsiyyətlərin qurulması üzrə meneceri Sevinc Saruxanova məlumat vermişdir. Aksiyanın məqsədi gəncləri və bütün təbiət sevərləri Azərbaycanın zəngin biomüxtəlifliyi ilə yaxından tanış etmək, bu mövzuda maarifləndirmə aparmaq və təbiətə qarşı daha diqqətli olmalarına səsləmək idi.

Tədbir zamanı 30-a yaxın gənc velosipedçi üzərində “Təbiətimizi qoruyaq!” şüarı olan köynəklərdə veloyürüş edərək şəhər sakinlərinin diqqətini cəlb ediblər. Veloyürüşdən sonra iştirakçılar Nəbabət bağında “Biomüxtəlifliyimizi qoruyaq!” adlı seminarda iştirak ediblər. Seminarda WWF Azərbaycanın əməkdaşları çıxış edərək Azərbaycanın zəngin biomüxtəlifliyi haqqında məlumat verdilər və iştirakçıların suallarını cavablandırdilar. Təbiət Dostları GİB-in nümayəndəsi isə ekoloji- maarifləndirici fəaliyyətlərindən danışdılar.

Eyni zamanda tədbir çərçivəsində WWF Azərbaycanın fəaliyyətlərini əks etdirən  təbiət və biomüxtəlifliyə aid şəkillərdən ibarət Nəbabət bağında açıq səma altında sərgi təşkil edilmişdir. Bundan əlavə Nəbabət bağının əməkdaşları  iştirakçılar üçün ekskursiya təşkil etmiş və bağın zəngin bitki örtüyü ilə yaxından tanış ediblər.

Qeyd edək ki, Ümumdünya Təbiəti  Mühafizə Fondunun (WWF) Azərbaycan nümayəndəliyi 2001-ci ildən başlayaraq fəaliyyət göstərir.  Bu müddət ərzində nümayəndəlik Azərbaycanda biomüxtəlifliyin qorunması və inkişaf etdirilməsi istiqamətində bir çox layihələr həyata keçirmişdir. Hal-hazırda Qafqazda bəbirlərin mühafizəsi, ceyranların və bizonların reinroduksiyası, iqlim dəyişmələrinə qarşı meşə ekosistemlərinin dözümlüyünün artırılması istiqamətində layihələr həyata keçirir.

You can leave a response, or trackback from your own site.

Leave a Reply